PULVERDAMPF

wie is des eigentlich?
wenn ana jetzt sag ma amal schizophren wern tät....
joo, oft hätt ma gute gründ dazu aber obsasi auf sicht auszahlt?...
also nemma amoi au, wenns so wär...
und er überfallt a bank. da is aber grad ka kunde drin...is ja ned deppert, is wengan intedti... intenitzif...sakra noamoi!...wengan erkennen mein ich!
allerdings is des wieder a bissl blöd.
dann muss er si selber als geisel nehmen.
eigentlich aber wurscht, weil er tät si eh vor sich fürchten und so, des hauert eh so hin wies ghört.
und dann droht er dena würschtln, dass er die geisel daschiasst, wanns eahm ned sofort die melonen ausn tresor ins billa-sackl stopfen und ummaschmeissen!
er muss jetzt nur hoffen dass er si ned selber als cobra-beamter oder goar ois bollezeibresedent in die quer kummt.
am end kennertn sa si dann selber goar nimmer aus, es kummt zu ana rangelei, es foit a schuss und
wia si später aussastööt, hod da bollezeibresedent an cobra-beatmeten daschossn!

nemma amoi au, die san so blöd und glaum des ned und machen zicken und er daschiasst die geisel......

abgsehen davon dass si die groschenzähler jetzt sicher bis zum kragenknopf angschissen ham....
nemma amoi au die geisel überlebt des.
und vaklogt den bankreiwa, weil sasi bei der geiselnahme die hosen zrissen hat....
kamma den bankreiwa dann wegen mordversuch eisperrn?
und wenn ja, wie kommt die geisel dann dazu dass aa eingsperrt is?

des müss ma dringend klären.
sunst brauch ma si in da zukunft goar nix vurnehmen.

und des ois nur weil mir seitn wochenend auf ana listn zwaa moi draufstehn....

Sunst gezz dir oba guat...

Hab den Titel gelesen, und gar nimma schaun braucht von wem der Beitrag is, das hab ich glei gwusst

und wie hätt ma des vermeidn kina ? indemst ned so übereifrig bist beim ind-listn-eischreibn, dann brauchst di ned fiachtn weilsd 2 moi drinnen stehst.

alternativ, wia mei lehrer im gymnasium gsgt hat: lesen und verstehen , erweitert um die weisheit vom bundesheer: drücken, denken, sprechen
umgeformt auf brauchbarkeit in diesem fall: listn anschaun, lesn woas draufsteht, den inhalt erfassen, denken ob ma si da scho eingschriebn hod, sunsd nu mal zruck zum lesen und erfassen, und dann, wenn nu ned erledigt, dann drückt ma de kugeschreibermine raus, und schreibt si ein

Da orme Doc... Des wird scho wieder

Schizophrenie ist übrigens was anderes, was du meinst ist die Multiple Persönlichkeitsstörung. Warum das Leute immer verwechseln...

doc.... - welcher teil von dir hat den beitrag geschrieben...?
du sollst doch des pulver nicht in irgendwelche körperöffnungen bröseln..., und setz dir a maske auf beim schießen - evtl. hat das schon mit der bleivergiftung zu tun... - trink amal an kamilentee, bleib gaaanz ruhig, es kommt wieder alles in ordnung...

@Michael
Schuld daran ist das Fernsehen und der daraus entstehende "Volksmund". Ich sag nur Glock Seven

mfg
Chris

MAARIA, des lesn d`leit ohne dass a si registrieren miassn... Hots damols die Verlässlichkeitsprüfung scho gebm?

Das Thema ist weder lustig, noch hat es etwas mit Waffen zu tun und abgesehen von der schweren Lesbarkeit durch die vermeindliche Mundart, kann dazu nur Unsinn entstehen, der dem Ansehen des Forums schadet.

Daher ist Schluss hier.

Grüße

Sandman